Вторник, Январь 25, 2022   |    Елчĕк район хаçачĕ
Главная > Публикации > Справка кирлĕ пулсан

Справка кирлĕ пулсан

Çын судпа айăпланнине е айăпланманнине çирĕплетекен справка ытларах патшалăх тата муниципалитет органĕсенче тăрăшакансене кирлĕ. Çакăн евĕр справкăна çавăн пекех патшалăх тата муниципалитет органĕсем те час-часах ыйтаççĕ.

Пирĕн районта пурăнакансем хăйсем судпа айăпланнине е айăпланманнине çирĕплетекен справкăна Чăваш Республикин ШĔМĕн Комсомольскинче вырнаçнă муниципалитетсем хушшинчи «Комсомольский» уйрăмĕнчен (заявленисене кашни кунах 9 сехетрен пуçласа 18 сехетчен йышăнаççĕ, апат вăхăчĕ 13 сехетрен пуçласа 14 сехетчен тăсăлать) е нумай функциллĕ центр урлă илме пултараççĕ. Ку чухне çумра паспорт, унăн копийĕ тата СНИЛС пулмалла.

Çак справкăна илес тесен граждансем заявление килтен тухмасăрах патшалăхăн пĕрлехи пулăшăвĕсем паракан порталĕ урлă ярса пама пултараççĕ. Çапла тăвас тесен чи малтанах www.gosuslugi.ru сайтра регистрациленмелле. Çакă вăхăта тата укçа-тенке перекетлеме, ĕçе ансатлатма май парать. Справкăна хатĕрлесе çитернине çирĕплетекен информаципе эсир электронлă почтăна кĕрсе е патшалăхăн пĕрлехи пулăшăвĕсем паракан порталĕ урлă харпăр хăвăр кабинетăра кĕрсе паллашма пултаратăр.

И.ЖИРНОВА,
Елчĕк районĕнчи полици пайĕн сотрудникĕ.

Добавить комментарий

Ваш e-mail не будет опубликован. Обязательные поля помечены *

*

code