Чăваш Республикин тата Раççей Федерацийĕн наукăн тава тивĕçлĕ ĕçченĕ И.А.Андреев профессор çуралнăранпа 90 çул çитнине халалланă «Упрар тăван чĕлхемĕре» оратор ăсталăхĕн конкурсĕн республика тапхăрĕ иртнĕ.
Унта республикăри 158 ача хутшăннă. Елчĕкри вăтам шкулти 8 «к» класра вĕренекен Анжела Кириллова призерсен йышне кĕнĕ. Хĕр ача тăван чĕлхе урокĕсене питĕ юратать, ăна кăсăкланса вĕренет.
Сăн ÿкерчĕкре: чăваш чĕлхипе литература вĕрентекенĕпе Н.Кушмановăпа А.Кириллова.
