«Комбайн» ял хуçалăх производство кооперативĕнче ĕç сыхлавĕ тĕлĕшĕнчи мероприятисене тивĕçлĕ шайра йĕркелесе пынине нумай тĕслĕхпе çирĕплетме пулать.
Кулленхи ĕçе РФ Ĕçлев кодексĕпе килĕшÿллĕн, ĕçлев саккунĕсемпе ĕç правин нормисене палăртакан актсене тĕпе хурса пурнăçлаççĕ. Кашни уйăхра ĕç кăтартăвĕсене пĕтĕмлетессипе йăлана кĕнĕ канашлура ĕç сыхлавĕпе çыхăннă ыйтусене сÿтсе яваççĕ. Иртнĕ кунсенчи канашлура та ĕç сыхлавĕн инженерĕ Геннадий Ильин ку енĕпе отчет тунă.
