Чăваш Республикин Сывлăх сыхлавĕн министерстви республикăри медицина учрежденийĕсен территорийĕсене Çĕнĕ çул уявне кĕтсе илме епле хатĕрленнине хак парас, малашне ыттисене те çак ĕçе хутшăнма хавхалантарас тĕллевпе йĕркелесе ирттернĕ конкурса пĕтĕмлетнĕ.
Савăнăçлă, кăсăклă «Чи лайăх юр /пăр/ кĕлетке» номинацире Елчĕкри тĕп больница иккĕмĕш вырăна тухнине пĕлме питĕ кăмăллă. Коллектив Çĕнĕ çула кĕтсе илме, чăннипех, лайăх хатĕрленнине иртен-çÿрекенсем те çирĕплетме пултараççĕ.