Вторник, Январь 25, 2022   |    Елчĕк район хаçачĕ
Главная > Образование > Февралĕн 13-мĕшĕнче – пĕтĕмлетÿ калаçăвĕ

Февралĕн 13-мĕшĕнче – пĕтĕмлетÿ калаçăвĕ

2018-2019 вĕренÿ çулĕнчен 9-мĕш класс вĕренекенĕсем валли вырăс чĕлхипе пĕтĕмлетÿ калаçăвĕ /итоговое собеседование/ кĕртнĕ. Вăл февралĕн 13-мĕшĕнче иртет. Çак тĕрĕслев витĕр ăнăçлă тухакан тăххăрмăшĕсене патшалăх пĕтĕмлетÿ аттестацине кĕртеççĕ. Пĕтĕмлетÿ калаçăва «зачет» е «незачет» кăтартупа хаклаççĕ.

Кăçалхи çĕнĕлĕхсем пирки Чăваш Республикин вĕренÿпе çамрăксен политикин министрĕн пĕрремĕш çумĕ Алевтина Федорова каласа пачĕ:

– Алевтина Николаевна, мĕн хистенĕ-ши калаçăва ĕçе кĕртме?

– Калаçăва шкул ачисен калуллă пуплевне тĕрĕслес тĕллевпе йĕркеленĕ. Вăл экзамен мар, экзамена кĕмелли ирĕк.

– Калаçура ачасене мĕн кĕтет?

– Шкул ачисен тăватă ĕçе пурнăçламалла. Пĕрремĕшĕ – пысăках мар текста – 180 сăмаха яхăн сасăпа вуламалла. Ăна икĕ минут параççĕ, çак вăхăтра ачан текстпа паллашмалла, ăна куçпа пăхса тухмалла та вулама тытăнмалла.

Иккĕмĕш ĕç – вуланине каласа памалла. Кунта та хатĕрленме темиçе минут параççĕ. Каласа панă чухне заданинче панă цитатăна та кĕртмелле.

Виççĕмĕш ĕç – монолог. Вĕренекен хăй суйласа илнĕ сăн ÿкерчĕке сăнламалла е пурнăçри опыт çинче никĕсленнĕ çивĕч ыйтусене калавлă тата сÿтсе явса каласа памалла. Иккĕмĕш тĕслĕхре хăйĕн пурнăçĕнчи опыта сăнламалла. Калăпăр, похода е экскурсие кайнине, мĕнпе ытларах асра юлнине. Виççĕмĕш тема çивĕчрех, «кирлĕ-ши;» ыйту çине хурав пама ыйтать.

Тăваттăмĕш ĕç – ача суйласа илнĕ темăпа пĕрле калаçакан экзаменаторăн диалогĕ.

– Ĕçсене пурнăçлама мĕн чухлĕ вăхăт уйăраççĕ?

– Вăтамран 15 минут.

– Калаçăва кам ирттерет?

– Вăл шкулти кирек хăш учитель те пулма пултарать.

– Калаçу ăçта иртет?

– Тăван шкулта.

– Хурава мĕнле виçепе хаклаççĕ?

– Вулав хăвăртлăхĕпе, интонаци тĕрĕслĕхĕпе, пуплев, грамматика, орфоэпи нормисемпе.

– «Зачет» илес тесен мĕн чухлĕ балл пуçтармалла?

– «Зачет» илес тесен 10 балл та çителĕклĕ, чи пысăк балл – 19.

– Енчен те ача февралĕн 13-мĕшĕнче чирленĕ е хăйне япăх туять пулсан калаçăва ытти кунсенче хутшăнма майсем пур-и?

– Тивĕçлĕ сăлтав пуррисем тата «незачет» илнисем март уйăхĕн 13-мĕшĕнче тата май уйăхĕн 6-мĕшĕнче пĕтĕмлетÿ калаçăвне хутшăнма пултараççĕ. Тăххăрмĕшсем пĕтĕмлетÿ калаçăвне яваплăхпа хутшăнасса шанатпăр. Ĕçсем йывăр мар, ачасем вĕсене тивĕçлипе пурнăçлаççех.

Добавить комментарий

Ваш e-mail не будет опубликован. Обязательные поля помечены *

*

code