«Труд» ял хуçалăх производство кооперативĕнче вăй хуракан Александр Васильев сварщикпа Галина Воронова склад заведующийĕ, Юрий Уткин тракторист-комбайнер, Алексей Воронов водитель, Сергей тата Валерий Соколов платниксем /сăн ÿкерчĕксенче/ хăйсен пархатарлă ĕçĕпе ят-сума тивĕçнĕ.
Çур аки умĕн, пушшех, пĕр канăçлăх çук вĕсен, кашнийĕ хăйсене шанса панă ĕç вырăнĕнче канăçа пĕлмесĕр тимлет.
Строительсен бригади хальхи вăхăтра механизаторсен çурчĕпе юнашарах хăпартса лартнă мунчана юсанă çĕрте тимлет. Хастар ушкăна чылайранпа Валерий Соколов ертсе пырать. Сергей ывăлне те вăл хăйпе юнашар тăратнă.
