Ылтăн алăллă ăста пулнипе палăрса тăрать Леонид Григорьев уйрăм предпринимателĕн «Ритуал» предприятийĕнче сварщикре тăрăшакан Владимир Гаврилов.
Тимĕре хăйĕн кăмăлне каймалла авкалать анчах вăл: эрешлесе карта, таканкки, мангал, сак-тенкел тата ытти хатĕр ăсталать. Унăн ĕçĕпе заказчиксем яланах кăмăллă. Çамрăклах, электрогазосварщик профессине алла илнĕренпех, тăрмашать юратнă ĕçĕпе. Маларах вăл Елчĕкри крахмал туса кăларакан заводра вăй хунă.
ЕЛЕНА ПЕТРОВА.
Автор сăн ỹкерчĕкĕнче: Владимир Гаврилов.
