Чăваш патшалăх пукане театрĕнче Пĕтĕм тĕнчери «Юмахсен каруселĕ» фестиваль иртнĕ.
Шупашкара çичĕ çĕршывран /Япони, Казахстан, Куба, Германи, Беларуç, Бангладеш, Гонконг/ тата Раççейĕн 14 регионĕнчен 25 коллектив хутшăннă. Фестиваль чăваш пуканеçисем ЧР Пуçлăхĕн гранчĕпе Петĕр Хусанкайăн хайлавĕ тăрăх лартнă «Кăвакарчăн» спектакльпе пуçланнă. Хăнасене ЧР культура министрĕ Константин Яковлев тата ЧР Патшалăх Канашĕн Председателĕн çумĕ Юрий Кислов саламланă.
«Юмахсен каруселĕ» фестиваль вăхăтĕнчех сусăр ачасем валли «Эпир пурте тĕрлĕрен» фестиваль пулнă.
