Республикăра 112 тытăм тулли хăватпа ĕçлеме пуçланă. Чăваш Ен çак тытăмпа 2017 çултанпа усă курать.
Аса илтеретпĕр, халăха васкавлă пулăшу паракан тытăм талăкĕпех ĕçлет, унта кирек хăш инкекре те 112 номерпе шăнкăравламалла. Стационар, мобильлĕ телефонсемпе /счет çинче укçа, сим карттă пулмасан та/ шăнкăравлама пулать. Çак тытăма шăнкăравласан операторсем инкек тÿсекен хăш вырăнта пулнине хăйсемех палăртаççĕ, профиль службăсене /полици, пушар хурал, васкавлă пулăшу…/ пĕлтереççĕ.
