Чăваш Енри сусăрсене малашне электроприводлă кресло-кÿме, ура валли ятарлă аппарат, çурăм шăммине тытакан хатĕр илме çăмăлрах пулĕ.
Раççей Ĕçлев министерстви нумаях пулмасть çĕнĕ йĕрке йышăннă. Унта палăртнă тăрăх, сусăрсен хăйсене куллен кирлĕ реабилитаци хатĕрĕсене ылмаштариччен вĕсене медицинăпа техника экспертизине ярса вăхăт ирттерме тивмĕ. Ортезсен 90 процентне, пурпĕрех, юсама май çук. Çапла вара кресло-кÿмесемпе ортезсен вăхăчĕ тухсан вĕсене çийĕнчех улăштарса параççĕ.
