Г.ЕНЕЙКИНА, вĕрентекен:
– Конституцие кĕртме сĕннĕ улшăнусенчен манăн чи малтанах йăлана кĕнĕ çемье хаклăхĕсене сыхласа хăварма палăртнине ырлас килет. Çакна куçĕпе хаклама пулать.
Тĕнчере паян çемье хаклăхĕсем тĕлĕшпе тĕлĕнмелле улшăнсем пулса иртеççĕ. Анчах та çут çанталăка хирĕç кайма юрамасть. Ырăпа вĕçленмĕ ку. Юрать Раççей ертÿлĕхĕ ку енĕпе тĕрĕс утăмсем тăвать. Йăлана кĕнĕ çемье, ламран лама куçакан йăла-йĕрке — ыранхи кунăн сывă никĕсĕ. Çакна саккун шайĕнче çирĕплетнине питех те пархатарлă тесе шухăшлатăп.
