«Чăваш автономи облаçне йĕркеленĕренпе – 100 çул» юбилей медалĕсене хальхинче АПК ветеранĕсем тивĕçнĕ.
Çак ятпа вĕсене район администрацийĕн пуçлăхĕ Леонард Левый саламланă. Леонард Васильевич çак çынсене хăй пурне те лайăх пĕлнине тата вĕсем çак ят-сума чăннипех тивĕçлĕ пулнине палăртса каланă. АПК ветеранĕсене район аталанăвĕшĕн пурнăçланă ĕç-хĕлшĕн тав тунă, çирĕп сывлăх, ăнăçу суннă.
