Мухтавлă ентешсене халалланă чăвашла уяв сценарийĕ пуçтарас, тăван чĕлхене, литературине тата культурине аталантарас енĕпе творчествăллă ĕçлекен педагогсене тупса палăртас, вĕсен паха опытне сарас тĕллевпе Чăваш Республикинчи Вĕренÿ институчĕ сценарисен «Чăвашла уяв янратăр!» конкурсне ирттерет.
Конкурс «Класс сехечĕсен сценарийĕ» тата «Уроксем хыççăнхи мероприятийĕн сценарийĕ» номинацисемпе иртет. Тупăшу заочно иртет.
Çавăн пекех институт Чăваш халăх поэтне П.П.Хусанкая халалласа вĕренекенсем хушшинче «Хусанкай вулавĕсем – 2022» фестиваль ирттерет.
