Кирек хăш тапхăрта та этемлĕхе тĕрлĕ хăрушлăх пусарса тăнă. Пысăк хăрушлăх шутне терроризма кĕртмелле. Пурнăç пĕр тикĕс аталанса пынă вăхăтра сасартăк унта та кунта та теракт вут-çулăмĕ хыпса илет. 2001 çулхи авăн уйăхĕн 11-мĕшĕнче Нью-Йоркра, 2002 çулхи юпа уйăхĕн 23-мĕшĕнче Мускаври НордОстра, 2004 çулхи авăн уйăхĕн 1-мĕшĕнче Бесланра, 2005 çулхи юпа уйăхĕн 13-мĕшĕнче Нальчикре, 2011 çулхи кăрлач уйăхĕн 24-мĕшĕнче Мускаври аэропортра, 2011 çулхи ака уйăхĕн 11-мĕшĕнче Минскри метрора, 2011 çулхи раштавăн 30-мĕшĕнче Волгоградра, пĕлтĕр пуш уйăхĕн 22-мĕшĕнче Мускав облаçĕнче… çĕр-çĕр çын террористсенчен шар курчĕ. Усал ĕç тума услам хăвалать. Укçа-тенкĕ серепине кĕрсе ỹкнисем пĕтĕм тĕнчене парăнтарасшăн, хăйсемпе килĕшменнисене, вĕсене итлеменнисене, пăхăнманнисене хăратса алла илесшĕн, тĕп тăвасшăн. Юлашки вăхăтра лару-тăру уйрăмах çăмăл мар, пурнăç сыхлăхлă та тимлĕ пулма хистет.
Округри уйрăм çынсемпе предприяти-организацисем, предпринимательсем хăйсем çинче шутланса тăракан е усă куракан объектсене терроризмран хỹтĕлессишĕн яваплă пулса тăраççĕ. Çавна май пурин те объектсене терроризмран хỹтĕлессипе çыхăннă требованисене çирĕп пăхăнмалла.
Л.ЕГОРОВА.
