Республикăри çул-йĕре йĕркене кĕртес ĕçе Чăваш Республикин Пуçлăхĕ Олег Николаев тĕрĕслесе тăрать.
«Пурнăç инфратытăмĕ» наци проекчĕпе килĕшỹллĕн 17 лаптăкра регион шайĕнчи çулсене юсама, çĕнетме пуçланă. Çавăн пекех çу уйăхĕн 15-мĕшĕнче Шупашкар округĕнчи Шупашкар-Сăр автомобиль çулĕ çинчи 5300 км — 9000 км юсама пикеннĕ.
«СтройКом» тулли мар яваплăхлă обществăпа килĕшỹ тунă. Вăл 3,7 çухрăм тăршшĕ çула юсаса çĕнетнĕ. Çак лаптăкра çакăн пек ĕçсем тума палăртнă: асфальт сийне фрезăлĕç, асфальтпа бетон сийне танлаштарĕç, çул хĕррисене (обочинăсене) 1 метр таранччен çирĕплетĕç. Çитес вăхăтра подряд организацийĕ асфальтпа бетон сийне фрезăлама пуçлĕ.
