Икĕ пĕрчĕ
Юмах
Сарă тулă хăй ылтăн пĕрчи пек хаклине тахçанах пĕлет.
— Мана акиччен çĕре сухаламалла, сỹрелемелле, кĕр çитсен пуçтармалла, — тет. — Кайран анана тислĕк хумалла. — Эсĕ, шурă тулă, манашкал мар, ытла шуранка, çынсем сана ỹстерес тесе ытлашши вăй хумаççĕ пуль. Тĕшшỹ тутă тытать-и хăть?
— Э, сарă тулă пĕрчи. Мана туса илесси çăмăл тетĕн-и? Акнă хыççăн эпĕ тем тĕрлĕ нуша куратăп, çилĕ вĕçтерет, хĕвелĕ çунтарать, тусанĕ пусарать, шывĕ путарать… Мана алă вĕççĕн пĕрчĕн-пĕрчĕн пуçтарнине курасчĕ санăн. Кăнтăртан çурçĕре, хĕвел тухăçĕнчен хĕвел анăçне е аякри çĕршывсене çитиччен эпĕ ылтăн пĕрчине çаврăнатăп. Тусăм, лавккасенче шурă тулă мĕн хак тăнине пăхса ил-ха…
Тỹле!
Шỹт
— Карачăм, мĕн тесе кĕрĕк арки йăваласа ларатăн эсĕ?
— Ахаль лариччен.
— Ара, ман çурăма сăтăркаласа чĕпĕткелесен усси ытларах пулĕччĕ те…
— Э! Апла тетĕн. Мăшăрăм, сан каçанна кантарни ĕç туни пулать, уншăн мана тỹлемелле!
Пысăк телей
Шỹт
— Митюк, итле-ха, мĕншĕн пĕр чарăнми шỹрпене пăтратса ларатăн эс?
— Телей кайăкне шыратăп.
— Чим, хиртен мулкач çакса таврăнтăн та: «Арăм, кур-ха, телей кайăкне тытса килтĕм эпĕ», — терĕн.
— Çапла. Халь вара сан валли те пултăр, — тетĕп. — Атту ялан: «Ма сана çап-çамрăклах качча тухрăм-ши? Васкамалла марччĕ, тупăнатчĕ пĕр-пĕр пуян каччă, пĕр телей те пулмарĕ», — тесе халтан яратăн. Акă — какай татки. Тыт. Мĕн пысăкăш вăл.
Ай, тутлă-çке
Калав
— Асанне, сан пата пан улмисем хăйсемех кусса пыраççĕ, — тĕлĕнет кĕçĕн мăнукĕ. — Ман пата пĕри те килмест. Йывăç çинчен татса илесчĕ — алă çитмест.
— Э, ачам, эпĕ сакăр теçеткепе пыратăп ĕнтĕ. Хам ĕмĕрте мĕн кăна тумарăм-ши? Тырă акрăм, выртăм, пуçтартăм, çурт лартрăм, ача-пăча ỹстертĕм, хĕрсене качча патăм, ывăлсене авлантартăм. Ку йывăçсене сакăр çул каялла лартса ỹстернĕччĕ. Халь, кур, çимĕç параççĕ.
— Ай, тутлă-çке пан улмийĕсем, — хавасланчĕ Çеруш.
— Мăнукăм, улмуççисем — çын пекех. Вĕсене юратса пăхмалла. Лартнă-лартманах кашнинпе ачашшăн калаçаттăм, кĕркунне айĕсене тислĕк хунă, çулла шăварнă, çулçисене хурт ересрен сыхланă. Ватăлтăм ĕнтĕ. Эсĕ вара каярахпа сад пахчине çĕнĕ улмуççисем лартăн.
