Лаш Таяпари «Кашкăр йăви» питомник туристсене çеç мар, спортсменсене те илĕртмелли вырăн пулса тăнă.
Кунта çичĕ регионтан килнĕ 70 яхăн ача вунă кун хушши канма, лашапа утланса çỹреме, тренировкăсенче вăй-хала пиçĕхтерме, ирĕклĕ майпа кĕрешессипе регионсем хушшинчи 3-мĕш турнира хутшăнма пултарнă.
Иккĕмĕш ăмăрту — алă вĕççĕн çапăçасси те — ачасенче пысăк интерес çуратнă. Çĕнтерỹçĕсем, паллах, дипломсемпе медальсене, хаклă призсене тивĕçнĕ.
