«Аслă ăру» федераци программипе килĕшỹллĕн аслă ỹсĕмри çынсен хăйсене тĕрлĕ енлĕн аталантармалли — компьютер, пенси тата финанс тĕлĕшĕнчи ăсталăха ỹстермелли — майсем уçăлаççĕ.
Елчĕкри клиент службин никĕсĕ çинче иртнĕ кунсенче шăпах аслă ỹсĕмри çынсем пĕр-пĕринпе хутшăнса калаçмалли центр уçăлнă. Активистсене кунта малашне тĕрлĕ мероприятисем кĕтеççĕ — лекцисемпе канашлусенчен пуçласа тĕрлĕ енлĕ мастер-классем таранах.
Центра пыракансем çавăн пекех классика тата хальхи вăхăтри литературăпа паллашма, вăхăчĕсене сĕтел çинчи вăйăсемпе ирттерме пултарĕç.
Центр алăкĕсем кашни кунах ирхине 8 сехетрен пуçласа 17 сехетченех уçă. Клиент службин специалисчĕсем кунта пурне те хаваспа кĕтсе илĕç.
