Арçук аран-аран авланчĕ,
Адрессăр аптранăран.
Аван. Анюк айăпламарĕ,
Ачаллах айванккаран.
Ăнмарĕ, ăнăçсăр ăмăрту.
Ăнсăрт ăнтăлу.
Ăссăрла ăшаланчăк,
Ăнланусăр ăншăрт.
Банкри банкир —
Ботаник!
Билетлă билетер —
Баталист.
Вĕçсĕр вĕçев вĕçленчĕ.
Венчетлĕ Варвари
Вĕчĕрхенсе вĕлтлетрĕ, —
Валентин варли.
Георгий гастрольте
Грузинла гримланнă.
Гостиницăри горничнăйне
Гераньпе гипнозланă.
Диана дисциплинăллă —
Диетăра.
Доцент диссертациллĕ —
Докладра.
Елюк еврейпе евĕкленчĕ —
Евчĕ ейкеленчĕ.
Елионорий ерçеймерĕ,
Егерь елпĕрленчĕ.
Ĕнер ĕшнере
Ĕне ĕненỹллĕ ĕнĕрлерĕ.
Ĕнтĕ ĕнтрĕкре
Ĕшеленсе ĕрчĕвленчĕ.
Жандармăн жалоба
Жилеткăра.
Журнал журналистăн
Жакеткăра.
Заводри завком
Займ заказланă.
Законлă залог
Заочнă запасланă.
Илемлĕ Илемпине
Иван илĕртмерĕ,
Инçетри Игнатие
Инке ирттермерĕ…
Йĕлтĕрçĕ йăрă!
Йĕрпе йăпшăнчĕ.
Йăпăш йăмралăх
Йăл йăлтăртатрĕ.
Кавĕрле каварланса
Кабинетран кайрĕ.
Калăмçă каппайланса
Кайран капăрланчĕ.
Лайăх лапам лачакаланчĕ,
Лавçă-лавккаçă лапраланчĕ.
Лаша лапкипе лапăртанчĕ,
Лĕчĕрке лỹпперлентерчĕ.
Майра Майя мăкшăпа
Мăрăлтатрĕ мăр-мăрла.
Мăшăрланчĕç мăртăхса,
Меллештерчĕç мăртлатса.
Нумайччен наводчик
Наклăх намăсланчĕ.
Наганлă народник
Наркăмăшлантарчĕ.
Облаçри отличник
Ответлă окулист.
Озонри откатчик
Опытлă оптимист.
Пайтахран палан
Патмар папкаланчĕ.
Паянччен пăван
Пăчăхса пăлханчĕ.
Роза — рекордсменка,
Рома — ревизор.
Радмила — радистка,
Радик — режиссер.
Самантлăх салхулăх
Сана салхулатрĕ.
Сăнару сасартăк
Савăк сăпайланчĕ.
Çăмха çăмăл çăмхаланчĕ, —
Çиçĕм çиçрĕ, çирĕпленчĕ.
Çỹллĕ çăка çатăртатрĕ,
Çуллă çуйăн çатăлтатрĕ.
Тĕлĕнтермĕш тĕнчере!
Тĕрлĕ-тĕрлĕ тĕркере,
Тĕрĕссипе, тỹнтерле,
Тивĕçлипе, тĕпелте…
Ула-чăла улăхра,
Уйрăмах, уçланкăра,
Утă-курăк утарта,
Ут-кăвакал ушкăнра.
Ỹпне-питне ỹпĕнсен,
Ỹкĕнĕçлĕн ỹкĕнен.
Ỹсĕммĕн ỹсĕрĕлсен,
Ỹлĕмрен ỹпкелешен.
Фельдшер — филателист,
Физик — фехтовальщик.
Филолог — футболист,
Федя — фрезеровщик.
Хуçалăхри хỹшĕре
Хĕр хурлăхлăн хỹхлерĕ.
Хуняма хисеплĕрен
Хăй хирĕçлемерĕ.
Цехра центрифуга.
Цитата: «Циркуляр».
Циферблатра цифра.
Цоколь цементран.
Чỹлмекри чечен чечек
Чĕрĕлет, чиперленет.
Чĕвĕл-чĕвĕл чĕпĕсем
Чĕкеçле чĕвĕлтетеççĕ.
Шашка-шахмат шаклатать,
Шакулкка шакăлтатать.
Шапа шавлăн шаплатать, —
Шампаккай шампăлтатать.
Ывăннă ывăлăм
Ытама ыткăнчĕ.
Ытарми «ылтăнăм»
Ытла ыйăхланчĕ.
Эрнипех эрешмен
Эрешне эрешлерĕ.
Элле эрешменле,
Эппин, эрехетленчĕ.
Юнашар юлташăм
Юптарчĕ, юмахларĕ.
Юнтармăш юлхавлăн
Юрами юнтарчĕ.
Ярăм-ярăм ярапа,
Ярмăрккăра ялтăркка!
Якăштатать якатмăш,
Яланхилле янравлăх!
Зоя ЕФРЕМОВА.
