Ку йышăнăва, паллах, тахçанах тумалла пулнă.
Пушкăрт Республикин Правительстви хушăва 2025 çулхи декабрĕн 12-мĕшĕнче çирĕплетнĕ. Ăна литература еткерлĕхне упрама тăрăшнипе тата республикăра пурăнакан халăхсен истори астăвăмне хисепленипе танлаштарма пулать. Чăвашсем çеç мар, Пушкăртстан та чăваш литературин классикĕпе мăнаçланать.
Аса илтеретпĕр: Слакпуç Пелепей районне кĕрет. Вăл Константин Ивановăн тăван ялĕ. Унăн вил тăприйĕ те унтах. Çавăн пекех Слакпуçра поэтăн музей çурчĕ тата «Нарспи» çăл куç пур.
