Республикăра ĕç укçин вăтам виçи 66,8 пин тенке çитнĕ.
Официаллă майпа регистрациленĕ ĕçсĕрлĕх шайĕ — 0,5 процент. Сăмах май, çулталăк каялла ку кăтарту кăшт кăна пĕчĕкрех, 0,4 процент пулнă. Вăрмар, Муркаш, Вăрнар, Сĕнтĕрвăрри округĕсенче, Çĕнĕ Шупашкарта ĕçсĕрлĕх республикăри вăтам шайран палăрмаллах пĕчĕкрех. Пăрачкав, Хĕрлĕ Чутай, Улатăр округĕсенче вара — пысăкрах. Ĕç паракансем пĕлтернĕ вакансисен шучĕ çав-çавах пысăк. Вĕсене йышăнас шухăшлă çынсене чи малтан, паллах, ĕç укçи интереслентерет. Вакансисемпе çыхăннă вăтам шалу виçи 42,8 пин тенкĕпе танлашать.
