2027 çулхи сентябрь уйăхĕнче Елчĕк районне туса хунăранпа 100 çул çитет. Паллă пулăм ячĕпе чылай мероприяти ирттерме палăртнă. Пĕри вăл — округăн çĕнĕ энциклопедине хатĕрлесе кăларасси.
Асăннă ыйтупа ĕнер тĕп вулавăша округри библиотекарьсем пуçтарăннă. Вĕсен умĕнче тĕп библиотека директорĕ Алина Петрова, Валентина Гаврилова библиотекарь тата «Елчĕк ен» хаçат редакторĕ Николай Малышкин тухса калаçнă.
Вăхăт васкатать, çавна май материалсене кăçалхи июнь уйăхне кĕриччен пуçтарса пĕтермелле, вĕсене тĕп вулавăшри ятарлă электронлă почта çине куçарассипе халех активлă ĕçлемелле.
