Çÿп-çапран тасатнă

Масар яланах таса пулмалла. Çакна шута илсе Çирĕклĕ Шăхальсем унта тирпей-илем ĕçне пурнăçланă. Ял çыннисен пĕр ушкăнĕ – Нина Васильева, Антонина Краснова, Людмила Карсакова, Александра Иванова, Мария Карсакова, Людмила Егорова, Тамара Константинова масар пÿртне çуса тасатнă, çÿп-çапа, хăрнă йывăç турачĕсене пуçтарнă. Сергей Андреев мотоблокпа пухăннă хытă каяша контейнер патне турттарса тăнă.