Понедельник, 22 апреля, 2024   |    Елчĕк район хаçачĕ
Главная > Новости республики > Тайман – хăватлă, çирĕп…

Тайман – хăватлă, çирĕп…

Ят çыннăн шăпине татса парать теççĕ. Пирĕн хушăмăрта ывăл-хĕрне чăн чăваш ятне (Пинерпи, Селиме, Салампи, Юман…) хуракан мăшăрсем час-часах тĕл пулаççĕ.
Лаш Таяпара пурăнакан Юрий Кашкăр юрăç-композитор тата унăн мăшăрĕ Надежда вара çак кунсенче çемьене вĕçсе килнĕ çĕнĕ кайăка Тайман ят панă. Петуховсен ывăлĕ, çуралнă чух 3 килограмм та 800 грамм тайнăскер, çемьери 3-мĕш ача. Аслисем Аннăпа Матвей 10-мĕш тата 4-мĕш классенче вĕренеççĕ.

– Тайман – пысăк вăй-хăватлă, çирĕп тенине пĕлтерет, – хыпарлать пирĕнпе пысăк савăнăçне пайланă май çемье пуçĕ.
Пулас пăхаттире тата унăн çывăх çыннисене çирĕп сывлăх та телей сунар. Салтака кайма юрăхлă пултăр!
Е.ПЕТРОВА.

Добавить комментарий

Ваш адрес email не будет опубликован.

*

code