Шупашкарта муниципалитет тапхăрĕнчи «Çулталăкри çемье — 2024» конкурсра çĕнтернисене чысланă. Елчĕк муниципалитет округĕн чысне республикăри конкурсра Кавалти Теллинсен çемйи хỹтĕленĕ.

Хастар çемье пирки вулакан та тĕплĕнрех пĕлтĕр: кил хуçи — Вениамин Борисович Ю.Н.Цветков хресчен (фермер) хуçалăхĕнчи тĕп инженер. Унăн мăшăрĕ — Людмила Николаевна — «Прогресс» АХОра ветеринари фельдшерĕ пулса вăй хурать. Вĕсем 3 ывăл çуратса ỹстернĕ, иккĕшĕ хăйсен çемйисемпе пурăнаççĕ, çамрăк аслашшĕпе асламăшне Рома мăнукĕ савăнтарать. Виççĕмĕш ывăлĕ Раççей Геройĕ Н.А.Петров ячĕллĕ Елчĕкри пĕтĕмĕшле пĕлỹ паракан вăтам шкулта вĕренет.