Елчĕкри ачасен искусство шкулĕн преподавателĕсем вĕренỹ тытăмĕнче занятисем ирттернипе кăна çырлахмаççĕ. Çитĕнекен ăрăвăн пултарулăхне аталантарас тĕллевпе тĕрлĕ шайри мероприятисене те хастар хутшăнаççĕ.
Владимир ПУТИН, Раççей Федерацийĕн Президенчĕ:
— Воспитани тата çут ĕç ыйтăвĕсем питĕ кăткăс. Кунта кăнттам пулмалла мар. Ачасене илĕртме ăс-тăн кăна çителĕксĕр, вĕренекенсене чун ăшшипе, чăн-чăн туйăмсемпе хавхалантармалла. Воспитани тата вĕрентỹ ĕçĕ-хĕлĕн пĕр-пĕринчен уйрăм тăмалла мар, алла-аллăн пымалла. Çак ĕçе класс ертỹçисен кăна мар, педагогсен пĕтĕм коллективĕ хутшăнмалла. Пурне те пĕрлештерекен граждан, патриотизм, истори хаклăхне тĕпе хумалла.
Светлана Карамаликова ертсе пыракан 3-мĕш класри «Вдохновение» ташă ушкăнĕ Раççей Культура министерстви ирттернĕ Халăхсем хушшинчи «Морозко» III конкурс-фестивальте палăрнă. Дистанци мелĕпе йĕркеленĕ финалта коллектив I степень лауреат Дипломне çĕнсе илнĕ. Чăваш ташшине илĕртỹллĕ çавăрттарнисен йышне вулаканăн пĕлмеллех. Вĕсем: К.Айметова, А.Борисова, Е.Викторова, К.Евдокименко, А.Иванова, К.Карсакова, У.Максимова, К.Павлова, Д.Савинова, Е.Яковлева.
