Патăрьелте 14-15 çулсенчи арçын ачасемпе хĕр ачасем хушшинче алă вăйĕ виçессипе Чăваш Ен ăмăртăвĕ иртнĕ.
Елчĕксем сакăр командăран 3-мĕш позицине йышăннă. Малтисем — кил хуçисемпе Каçалсем. Хăйсен виçисенче Илья Кирилловпа (Çирĕклĕ Шăхаль шкулĕ) Кристина Якимова (Курнавăш) пьедесталăн чи çỹлти картлашки çине хăпарнă. Елчĕкри Виктория Захаровăпа Кушкăри Ярослав Тихонов — 2-мĕш, Елчĕкри Даниил Симаковпа Кушкăри Анна Чайкина тата Аслă Елчĕкри Анастасия Печкова — 3-мĕш. Командăна ăмăртăва Елена Портновăпа Сергей Солин хатĕрленĕ.
