Аслă Çĕнтерỹ пулнăранпа 80 çул çитни — ахаль дата мар, вăл пирĕн вăй, пĕрлĕх тата мăнаçлăх символĕ. Пуласлăхшăн кĕрешнисене кашниех асра тытма тивĕçлĕ.
Округ администрацийĕнче Аслă уява хатĕрленсе ирттерессипе çыхăннă ыйтусене тишкернĕ. Программа анлă та пуян пулĕ, ăна халь уçса памăпăр. Тĕп тĕллев — ăна йĕркелỹ, хăрушсăрлăх тĕлĕшĕнчен çỹллĕ шайра ирттермелле, кашни тыл ĕçченне, çавăн пекех СВО салтакĕсемпе вĕсен çемйисене пысăк тимлĕх уйăрмалла. Палăксене, территорисене тирпей-илем кĕртесси те кун йĕркинчи тĕп ыйтусен шутĕнче.
Округ пуçлăхĕ Леонард Левый маларах тĕрлĕ çар чаçĕсенче службăра тăнă ветерансен округри канашĕсен ертỹçисемпе те тишкернĕччĕ уяв программине.
