«Эпир пĕччен маррине туйса илтĕмĕр», «Тимлĕхшĕн тата васкавлă пулăшушăн — тав», «Специалистсем тăрăшнипе пирĕн ыйтăва хăвăрт татса пама май килчĕ»… Çакăн пек хаклавсем Чăваш Ен Пуçлăхĕн телеграм-каналне килсех тăраççĕ.
«Тăнăç пурнăçа — утăм» проектпа килĕшỹллĕн ятарлă команда СВО ветеранĕсемпе участникĕсене тата вĕсен çемйисене адреслă пулăшу парассипе тимлет. Шупашкарти мобильлĕ ушкăн çак таранччен хуласемпе муниципалитетсенче 16 хутчен пулнă. Çавна май 500-е яхăн çынна пулăшу кỹнĕ, 700 ытла ыйтăва тỹрех татса панă, ыттине контроле илнĕ.
Ĕнер специалистсем Йĕпреç округĕнче ĕçленĕ.
