Ятарлă çар операцийĕн участникĕсене, ветеранĕсене тата вĕсен çемйисене кулленхи пурнăçра тĕрев парассине тĕпе хуракан «Мирлĕ пурнăç патне — утăм» Чăваш Ен Пуçлăхĕн проекчĕ малалла ĕçлет.
Округ администрацийĕ те асăннă ыйтăва тимлĕхре тытать. Çавна май, ертỹлĕх çемьесене пулăшнипе пĕрлех, отпуска килекен салтаксемпе те тĕл пулса куçа-куçăн калаçать. Иртнĕ кунсенче округ пуçлăхĕ Леонард Левый СВО паттăрĕпе Алексей Егоровпа тĕл пулнă, канăçсăрлантаракан ыйтусем тавра калаçнă.
