Чăваш Республикин Ял хуçалăх министерстви аш-какай валли сурăх (качака) тытакансене субсиди парать.
Заявкăсене сентябрĕн 18-мĕшĕнчен пуçласа сентябрĕн 25-мĕшĕччен пама юрать. Субсидие ял хуçалăх таварĕ туса кăларакансене сурăх (качака) пăхма е аш-какая ăсатма тăкакланнин пĕр пайне саплаштарма параççĕ. Чăваш Ен территорийĕнче аш-какая вырнаçтарнă чĕр чунăн кашни килограмне шута илеççĕ. Субсидие аш-какай продукцийĕ хатĕрлекен юридици тытăмĕ е уйрăм предприниматель илме пултарать. Çакă харпăр хăй хуçалăхне тытакансене тата ял хуçалăх потребитель кооперативĕсене пырса тивет. Информаципе тĕплĕнрех Патшалăх финанс пулăшăвĕпе тивĕçтерекен мерăсен порталĕнче паллашма пулать.
