Наци театрĕсен Пĕтĕм халăх хушшинчи «Чĕкеç» II фестивалĕ тĕрлĕ халăх театрĕсен спектаклĕсемпе паллаштарĕ.
СССР халăх артистне Вера Кузьминăна халалланă фестиваль ноябрĕн 11-16-мĕшĕсенче Чăваш патшалăх академи драма театрĕнче иртĕ. Унăн кăçалхи теми — «Хĕрарăм сăнарĕ — ỹнерте».
Тĕрлĕ номинацире чи лайăх спектакле, чи лайăх арçын тата хĕрарăм ролĕсене, çавăн пекех чи ăста сценографипе режиссурăна палăртĕç.
