Çĕнĕ çултан тытăнса Чăваш Ен чикĕ леш енне севок сухан сутать.
Çак ĕç «Халăхсен хушшинчи коопераци тата экспорт» наци проекчĕпе килĕшỹллĕн пурнăçланать. 22 тоннăран тăракан пĕрремĕш партие Беларуçе ăсатнă. Малтанлăха шутланă тăрăх, çак культурăна республика экспорта пĕлтĕр 1,7 пин тонна тиесе янă: ытларахăшĕ Беларуçе, пĕр пайĕ Молдовăна, Казахстана, Болгарие, Румыние, Монголие, Киргизие.
