Шупашкарти «Олимпийский» стадионта иртнĕ республикăри çăмăл атлетсен чемпионатĕнчен вара Елчĕксем нумайăшĕ медальсемпе таврăннă.
Регионта çулсерен палăракан Семен Львовăн (Шăмалак) кăкăр çине 2 ылтăн медаль çакнă: йĕтре тĕртессипе тата молот ывăтассипе. Хăйсен ỹсĕмĕсенче Хăвăлçырмари Иван Ловкин 100 метра чăрмавсем урлă чупассипе, Тĕмерти Тимофей Солин сăнă ывăтассипе, Елчĕкри Алексей Васильев 1500 метра чупассипе 2-мĕш вырăна тухнă. Бронза медалистсен йышне Çирĕклĕ Шăхаль шкулĕнчен тỹрех 3 ача кĕнĕ: Артем Перепелкин (400 м), София Жукова (800 м), Артем Краснов (сăнă ывăтасси). Лаш Таяпари Самира Сабитова вара çитĕнỹсене 400 тата 800 метрлă дистанцисенче çирĕплетнĕ.
