2026 çулăн пĕрремĕш çурринче ял хуçалăх производствин индексĕ енĕпе федерацин Атăлçи округĕнче Чăваш Ен (103,1 процент) — 2-мĕш вырăнта.
Танлаштарма: вăл Атăлçи округĕн — 100,2 процентпа, Раççейĕн 99,2 процентпа шайлашнă. Ял хуçалăх предприятийĕсем çак тапхăрта пĕлтĕрхи 6 уйăхринчен сĕт 4,1 процент нумайрах сунă, ĕнесен продуктивлăхĕ 1,8 процент хушăннă. Кашни ĕнерен вăтамран 4300 килограмм сĕт сунă, мĕн пур йышши хуçалăхсенче 262,2 пин тонна сĕт туса илнĕ.
