Иртнĕ вырсарникун православи тĕнне ĕненекенсем чи Аслă праçниксенчен пĕрне — Христос чĕрĕлсе тăнă куна — Мăнкуна — кĕтсе илчĕç.
Уяв каçхине районти чиркÿсенче службăсем иртнĕ. Иисус Христос сăнне ÿкернĕ пир татăкне илсе тухнă, кашни чиркÿрех хĕреслĕ çул çÿрев йĕркеленĕ, священниксем Турра ĕненекенсене Мăнкун ячĕпе саламланă. Çакна палăртма кăмăллă: Аслă Елчĕксем чи Аслă уява çĕнĕ чиркÿре паллă тунă.
