Юлашки çулсенче ÿкернĕ чи лайăх фильмсем, паллă актерсемпе ирттерекен тĕлпулусем, автограф-сессисем, ача-пăча программисем тата пресс-конференцисем… Çаксемпе асра юлчĕ Шупашкарта майăн 21-25-мĕшĕсенче иртнĕ сахал йышлă халăхсен кинематографине халалланă Пĕтĕм тĕнчери кинофестиваль.
Кинофорум хăнисене Чăваш Ен вун пĕрмĕш хут йышăнчĕ. Унта 6 регионтан 15 ĕç тăратнă, унсăр пуçне илемлĕ фильмсен конкурсне — 9 лента. «Çеçпĕл» кинотеатрта çĕнтерÿçĕсен ячĕсене пĕлтернĕ, вĕсене «Анне» статуэткăпа чысланă.
