2019 çулхи ППЭ, 9 классен патшалăх аттестацийĕ, Раççей шайĕнчи тĕрĕслев ĕçĕсем, вĕрентÿ пахалăхĕн наци тĕпчевĕсем тавра пухăннă ыйтусен хуравĕсене сентябрĕн 14-мĕшĕнче 11 сехетре илтме май пулĕ.
Шăпах ун чухне Рособрнадзор ертÿçипе Сергей Кравцовпа ведомство представителĕсем «Раççей паян» тĕнче шайĕнчи мультимеди пресс-центрĕнче ашшĕ-амăшĕпе тĕл пулĕç.
Мероприяти вăхăтĕнче регионсене те тÿрĕ эфира кăларма палăртнă. Ыйтусене çырса хатĕрлесе е видео ÿкерсе ege@obrnadzor.gov.ru электрон адреспа ярса пама е Рособрнадзорăн ВК сетьри страницине вырнаçтарма юрать.
