Юлашки çулсенче Елчĕк ялĕн инфратытăмне çĕнетес, куллен тирпей-илем кĕртес тĕлĕшпе сахал мар ĕç пурнăçланать. Килен-каян нумай та, çавăнпа район центрĕ хăтлăхпа палăрса тăни кирлех.
Ялсенчи пушанса юлнă, арканнă ферма витисене курма хăнăхрăмăр та пулĕ, анчах район центрĕнче юхăнса ларакан объект пурри чуна кăшланăн туйăнать. Кооператив урамĕнчи «Встреча» кафе пулнă çурт пирки сăмах. Совет саманинче вăл райпо тытăмĕнчи столовăйччĕ, халăх йышлă çÿретчĕ унта.
Халĕ çĕнĕ хуçа – Александр Николаевич Никифоров. Çапах темшĕн хуçасăрлăха çавăрнă ăна. Хăçанччен япăхса ларĕ-ши çак «палăк»;
