Паянтан республикăра ял хуçалăх продукцийĕсен «Кĕр парнисем» ярмăркки ĕçлеме пуçăнать.
Çак вăхăтра ятарлă лапамсенче ял хуçалăх таварне туса илекенсене суту-илÿ вырăнĕсемпе тÿлевсĕр тивĕçтереççĕ. Хула çыннисен фермерсемпе хушма хуçалăх тытакансем туса илнĕ пахча çимĕçе, сĕт-турăха, йывăç-тĕм хунавĕсене тата ыттине те йÿнĕрех хакпа туянма май пур.
«Кĕр парнисем» ярмăрккă октябрĕн 6-мĕшĕччен ĕçлĕ. Район çыннисемпе ял хуçалăх кооперативĕсен хула çыннисене харпăр хăйĕн продукцийĕсене сутса кĕсьене хулăнлатма майсем пур. Шупашкарта ярмăрккăсене тăватă вырăнта йĕркелеме палăртнă.
