«Елчĕк ен» хаçатăн тĕп редакторĕ Николай МАЛЫШКИН:
Чăваш Республикин Пуçлăхĕн ĕçĕсене вăхăтлăха пурнăçлакан Олег Николаев республикăри пĕтĕм массăллă информаци хатĕрĕсен ертÿçисемпе пуçласа пресс-конференци ирттерчĕ. Çĕнĕ ертÿçĕ икĕ сехете яхăн пынă уçă калаçура 30 яхăн ыйтăва уçăмлатрĕ: çул-йĕр тăвассипе çыхăннă проблемăсенчен пуçласа трактор туса кăларасси таранчченех. Уйрăмах Г.Лебедев ячĕллĕ лицей-гимназие çĕнĕрен уçасси, республика кунне уявласси, ача амăшĕсемпе пенсионерсене пособисемпе, пенсипе тивĕçтересси, коронавирус инфекцине хирĕç кĕрешесси «çиелте» пулчĕç. Кашни ыйтăва цифрăсемпе, фактсемпе çирĕплетсе пыни Олег Николаев регионти лару-тăрăва тĕплĕ пĕлнине кăтартса пачĕ.
