Халăха кулленех тĕрлĕ ыйту хумхантарать. Халĕ çĕршывра коронавирус инфекцийĕ алхаснă вăхăтра граждансем ертÿçĕсемпе час-часах тĕл пулаймаççĕ. Çавна май вĕсем хăйсен ыйтăвĕсене «Халăх контролĕ» информаци ресурсне çырса пĕлтерме пултараççĕ.
Асăннă интернет-ресурс Чăваш Енре кашни çынна хăйсен чăрмавĕсем пирки пĕлтерсе тÿрех Республика Правительствине информаци çитерме май парать. Çăхавсемпе сĕнÿсене тĕрлĕ темăпа йышăнаççĕ.
Ыйтусене 10 кун хушшинче пăхса тухса тивĕçлĕ йышăнусем тăваççĕ, хуравсене кĕске вăхăтра çак порталтах пичетлеççĕ.
