Ноябрĕн 10-мĕшĕнче Право хуралĕн органĕсенче тăрăшакансем хăйсен професси уявне – Раççей Федерацийĕн шалти ĕçсен органĕсен ĕçченĕн кунне паллă тунă.
Районти полици пайĕнче паянхи кун уголовлă шырав, следствипе дознани, экономика преступленийĕсемпе, çул çитменнисемпе ĕçлекен, участоксенчи уполномоченнăйсен, дежурство уйрăмĕсем ĕçлеççĕ, пурĕ 29 сотрудник тăрăшать.
Полици сотрудникĕсем шаннă тивĕçе чыслăн пурнăçлаççĕ, районти йĕркелĕхпе саккунлăха, граждансен лăпкăлăхне, вĕсен прависемпе интересĕсене хÿтĕлеççĕ.
Е.ПЕТРОВА сăн ÿкерчĕкĕнче: районти полици пайĕн коллективĕн пĕр ушкăнĕ.
