Чăваш Енри аграрисем утă уйăхĕнче 4 тĕрлĕ субсиди илме заявлени тăратма пултараççĕ.
ЧР Министрсен Кабинечĕн Председателĕн çумĕ — ял хуçалăх министрĕ Сергей Артамонов пĕлтернĕ тăрăх, 2024 çулта грантсемпе субсидисем илме паракан заявкăсене патшалăхăн финанс пулăшăвĕн мерисемпе тивĕçтерекен порталта йышăнаççĕ. Ял хуçалăх таварĕ туса илекенсем онлайн-сервис пулăшнипе агростраховани, техмодернизаци, теплицăра пахча çимĕç ỹстерес, элита вăрлăх хатĕрлес енĕпе патшалăх пулăшăвне илме заявка пама пултараççĕ. «Кăçал агропромышленность комплексне пулăшма 5 миллион тенкĕ пăхса хăварнă. Çав шутран ял хуçалăх таварĕн производствине вăйлатма — 3,2 миллиард тенкĕ, ялсене комплекслă майпа хавхалантарма — 1,1 миллиард тенкĕ, çăмăллăхлă кредит валли 706,8 миллион тенкĕ уйăрма йышăннă», — тесе пĕлтернĕ Сергей Артамонов.
