Елчĕк муниципалитет округĕн администрацийĕ ял хуçалăх предприятийĕсемпе хресчен (фермер) хуçалăхĕсем 2024 çулхи вырмара ăмăртса ĕçленине пĕтĕмлетсе çапла йышăннă:
— пĕрчĕллĕ тата пăрçа йышши культурăсене туса илессипе «Сатурн» ЯХПК çĕнтернĕ. Ял хуçалăх предприятийĕ куçса çỹрекен кубока тата диплома тивĕçнĕ. Кунта пĕрчĕллĕ тата пăрçа йышши культурăсене 582 гектар çинче çитĕнтернĕ, 1 гектартан тухакан вăтам тухăç 52,5 центнерпа танлашнă.
— хресчен (фермер) хуçалăхĕсем хушшинче пĕрчĕллĕ тата пăрçа йышши культурăсене, çĕр улми туса илессипе сарăлнă ăмăртура Виталий Геннадьевич ВАСИЛЬЕВ ертсе пыракан коллектив çĕнтернĕ. Кунта 1 гектартан 36,4 центнер тĕш тырă, 300 центнер çĕр улми пухса кĕртнĕ. Хресчен (фермер) хуçалăхĕн коллективĕ диплома тивĕçнĕ.
— çĕр улми туса илессипе «АСК-Яльчики» ООО мала тухнă. Кунта çĕр улмине 220 гектар çинче çитĕнтернĕ, 1 гектартан тухакан вăтам тухăç 318,3 центнерпа танлашнă.
Ял хуçалăх производствинче тăрăшса ĕçлесе мала тухнă уйрăм çынсене округ администрацийĕн Хисеп грамотисемпе чысланă:
— «Прогресс» АХОри Александр Валерьевич КУПРИЯНОВ комбайнера. Вăл «АГРОС 550» комбайнпа 21719 центнер тĕш тырă çапса тĕшĕленĕ, «2024 çулхи вырма чемпионĕ» ята тивĕçнĕ;
— «Победа» ОООри Олег Станиславович ЕЛИСЕЕВ комбайнера. Вăл хăйне çирĕплетсе панă комбайнпа 26932 тонна выльăх апачĕ пухса кĕртнĕ.
— «АСК-Яльчики» ОООри Георгий Валерьевич ПАРАМОНОВ комбайнера. Вăл «AVR SPINIT» комбайнпа 41700 центнер çĕр улми пухса кĕртнĕ.
— «Прогресс» АХОри Николай Александрович РОМАНОВ водителе. Вăл хăйне шанса панă автомашинăпа 41251 тонна-çухрăм ял хуçалăх таварĕсене, çав шутра 2121 тонна тĕш тырă турттарнă;
— «Сатурн» ЯХПКри Владимир Федорович КРЫСОВ механизатора. Вăл БТЗ-254К йышши тракторпа 3776 условлă эталон гектар ĕç пурнăçланă, çав шутран 800 гектар кĕрхи çĕртме сухи тунă.
