Елчĕк муниципалитет округĕн пуçлăхĕн Л.В.Левыйăн 2023 çулхи августăн 10-мĕшĕнчи 135-р номерлĕ хушăвĕпе килĕшỹллĕн «Нива» агрофирма» сахал яваплă общество тата «Сатурн» ял хуçалăх производство кооперативĕн коллективĕсен ячĕпе округ администрацийĕн çурчĕ умĕнче Ĕç Мухтавĕн ялавне çĕкленĕ. Хуçалăхсенче тыр-пул тата пăрçа йышши культурăсене пухса кĕртессине округра чи малтан вĕçленĕ.
«Сатурн» хуçалăх пĕрчĕллĕ тата пăрçа йышши культурăсене пухса кĕртессине вĕçлерĕ. – Çитĕнỹ тунинче мĕн пур çĕр ĕçченĕн тỹпи пысăк. Çавна май вырма ĕçне хутшăннă кашни ĕçчене пысăк тав сăмахĕ калатăп, – палăртать Ю.Викентьев ертỹçĕ.
Сăн ỹкерчĕкре: Сергей Зайцев, Герасим Корнилов, Николай Круглов комбайнерсем.
