Район хаçатне ачаран килĕштерсе вулатăп.
Район хыпарĕсене пĕлмесĕр епле пурăнăн; Килте те çырăнса илетпĕр ăна, çавăн пекех хам ертсе пыракан класс ачисем вулаччăр тесе çулсеренех вĕсене çырăнса паратăп. Класра хаçатăн кашни номерне çĕлесе пыратпăр. Çавăнпах паян вуласа ĕлкĕрейменнисем ыран вулаççĕ ăна. Класа тутар чĕлхине вĕрентме килекен педагогсем те «Елчĕк енпе» кăсăкланса паллашаççĕ, Елчĕксен хаçачĕ пуян содержаниллĕ, интереслĕ тухнине палăртаççĕ.
Эпир çитес çур çулта та район хаçачĕсĕр юлмастпăр.
А.ПОРТНОВА.
Кушкăри вăтам шкулти вĕрентекен.
