«Рассвет» ял хуçалăх производство кооперативĕн ĕне ферминче нумай çул вăй хуракансене – сăн ÿкерчĕкри Ирина Аввакумовăпа Анатолий Григорьева темиçе ĕç шанса панă.
Ирина Аввакумова пĕр вăхăтрах ветеринар, осеменатор ĕçĕсене пурнăçлама, 6 уйăха çитичченхи пĕчĕк пăрушкасене пăхма та ĕлкĕрет. Апла пулин те унран ÿпкелешсе калаçнине илтеймĕн, тивĕçе тÿрĕ кăмăлпа пурнăçлать.
Анатолий Григорьев – ĕне фермин заведующийĕ. Ÿркенсе тăман çак çын лару-тăру тăкăс вăхăтра ĕне выльăхсене пăхма хутшăнать, скотник ĕçĕсене те тиркемест.
Ĕмĕрĕпе выльăх-чĕрлĕх ферминче пиçĕхекенскерсемшĕн кăмăл ыйтнипе суйласа илнĕ ĕç, чăннипех, чун уççи.
