Чăваш Республикин Финанс министерстви бюджет тытăмĕ граждансемшĕн те уçă та ăнлануллă пултăр тесе 2 тапхăрпа проектсен уçă конкурсне йĕркелет.
Конкурса уйрăм çынсем «Бюджет: эпĕ миçе тенкĕ тÿлетĕп тата илетĕп;», «Бюджет – ыйтусемпе хуравсенче», «Бюджет – сăвăра», «Бюджет квесчĕ», «Бюджет пирки чи лайăх видеоролик», «Бюджет – социаллă çыхăнусенче», предприятисемпе организацисем «Граждансене тивекен вырăнти бюджетăн чи лайăх проекчĕ», «Бюджет – предпринимательсене», «Бюджет – граждансене» тата ытти номинацисене хутшăнма пултараççĕ. Пĕрремĕш тапхăрта çĕнтерекенсем Раççей шайĕнче тупăшĕç. Конкурс условийĕсем пирки тĕплĕнрех ЧР Финанс министерствин сайтне кĕрсе пĕлме пулать.
