Кăçал Республика кунĕ Шупашкар хулипе Улатăр районĕнче иртмелле.
Асăннă района конкурспа суйласа илнĕ. Çĕнтерÿçĕне вырăнти общество инфратытăмне аталантарма укçа-тенкĕ те уйăрма палăртнă.
Йăлана кĕнĕ йĕркепе уявра Акатуй, Сабантуй тата ытти культурăпа массăллă, спорт мероприятийĕсем иртмелле. Улатăр тăрăхĕнче паллă уява хатĕрленме тытăннă ĕнтĕ: çул-йĕре, урамсене йĕркене кĕртеççĕ тата ытти те. Уявăн тĕп вырăнĕ – Кивĕ Эйпеç ялĕ.
